Արմէն Ռուստամեան: «Ազգային-պետական արժանապատուութիւնից վեր բան չկայ»
Գիւմրիի մէջ տեղի ունեցած վերջին զարգացումներուն Yerkir.am-ի հետ զրոյցին ընթացքին անդրադարձած է ՀՅԴ ԳՄ ներկայացուցիչ, ԱԺ ՀՅԴ խմբակցութեան ղեկավար Արմէն Ռուստամեան:
«Մենք արդէն դատապարտել ենք Գիւմրիում կատարուած ոճրագործութիւնը եւ մեր վշտակցութիւնը յայտնել զոհուածների հարազատներին, մեր ժողովրդին: Կատարուած յանցագործութիւնը ոչ միայն ազգային, այլեւ մարդկային պատկանելութիւն չունի:
Այն, ինչ կատարուեց դրանից յետոյ Գիւմրիում, մեր քաղաքացիների բնական արձագանգն էր՝ արդարութիւն գտնելու, վստահ լինելու, որ ոճրագոր- ծը Հայաստանի օրէնսդրութեամբ խըստագոյն պատիժի կþարժանանայ:
Գիւմրեցիների եւ Հայաստանի միւս քաղաքացիների համար կարեւորագոյնը սեփական պետութեան արժանապատուութիւնն էր: Այն, որ այդ ոճրագործը Ռուսաստանի քաղաքացի է, իսկ զոհերը՝ Հայաստանի Հանրապետութեան, չի կարող որեւէ կերպ մեծ կամ փոքր պետութեան յարաբերութիւնների խնդիր լինել: Մեր իրաւապահները ամէն ինչ պէտք է անեն, որ ոճրագործը դատապարտուի Հայաստանի իրաւական տիրութիւմ: Սա լիովին համահունչ է ընդունուած միջազգային պրակտիկային եւ երկու երկրների պարտաւորութիւններին:
Ցաւոք, յուզումները Գիւմրիում յանգեցրեցին ոստիկանների հետ բախումների, ունեցանք վիրաւորներ: Եւ այստեղ մէկ անգամ խնդիր է առաջացնում մեր իրաւապահ համակարգի փրոֆեսիոնալիզմը, նման դէպքերում բախումներից խուսափելու կարողականութիւնը:
Յատուկ ուզում եմ ընդգծել, որ Շիրակի թեմի առաջնորդ Միքայէլ եպիսկոպոս Աջապահեանը հայ հոգեւորականին վայել կեցուածքով մինչեւ վերջ իր ժողովրդի կողքին կանգնեց եւ փորձեց հանդարտեցնել կրքերը:
Կրկնում եմ՝ աւելի մեծ բան չի կարող լինել, քան մեր ազգային-պետական արժանապատուութիւնն է: Եւ մեր իշխանութիւնները պէտք է ամէն ինչ անեն, որ մեր ժողովուրդը, գիւմրեցիները վըստահ լինեն, որ ոճրագործը դատապարտուելու է Հայաստանի իրաւական տիրոյթում, որ գործի ամբողջական բացայայտումը եւ օրէնքի ողջ խստութեամբ պատժի անխուսափելիութիւնը որեւէ մէկի մօտ կասկած չյարուցի»: