ՀՅԴ Արցախի Կեդրոնական Կոմիտէի հանդիպումը Արցախի նախագահական թեկնածու Մասիս Մայիլեանի հետ
20 նոյեմբերին ՀՅԴ Արցախի Կեդրոնական կոմիտէի ներկայացուցիչ Դաւիթ Իշխանեանն ու ՀՅԴ Արցախի Կեդրոնական կոմիտէի անդամ, Արցախի Հանրապետութեան Ազգային ժողովի փոխնախագահ Վահրամ Բալայեան ՀՅԴ Արցախի «Նիկոլ Դուման» կեդրոնին մէջ հանդիպում ունեցան 2020-ին Արցախի մէջ տեղի ունենալիք ընտրութիւններուն նախագահի հաւանական թեկնածու, Արցախի արտաքին գործոց նախարար Մասիս Մայիլեանի հետ:
Այս հանդիպումով եզրափակուեցաւ Արցախի նախագահի 5 հաւանական թեկնածուներու հետ ՀՅԴ Արցախի Կեդրոնական կոմիտէի հանդիպումներուն փուլը:
«Ապառաժ»-ի հետ զրոյցին ընթացքին Դաւիթ Իշխանեան նշեց, որ Մասիս Մայիլեանի հետ հանդիպումը կայացած է ջերմ եւ կառուցողական մթնոլորտի մէջ, իսկ Արցախի նախագահի հաւանական թեկնածուներուն հետ կայացած հանդիպումներուն արդիւնքներուն եւ ՀՅԴ Արցախի կառոյցի որոշումին մասին հանրութիւնը տեղեակ պիտի պահուի դեկտեմբերի սկիզբները տեղի ունենալիք արտակարգ ժողովէն ետք: