ՀՅԴ Արցախի Կեդրոնական Կոմիտէի Յայտարարութիւնը

09 de julio de 2018

Escudo TashnagtsutiunՍիրելի՛ հայրենակիցներ,

Արցախի անվտանգութիւնը ՀՅ Դաշնակցութեան համար գերխնդիր է: Մեր իրականութեան մէջ վերջին շրջանում տեղ գտած իրադարձութիւններն առիթ են ստեղծել հակառակորդի աշխուժացմանը թէ՛ սահմանային գօտում, եւ թէ՛ քարոզչական դաշտում: Մեզ սպառնացող վտանգը օրէցօր առարկայական է դառնում:

Ինչպէս պատմութիւնն է ապացուցել, թշնամու նկրտումները չէզոքացնելու, բազում զոհողութիւնների գնով ձեռք բերուած յաղթանակը պահպանելու հիմնական միջոցը մեր ներքին միասնութիւնն է: Անթոյլատրելի են բոլոր կարգի պառակտողական եւ ներքին կեանքում ցնցումներ հրահրող քայլերը:

Միասնականութիւնը ապահովելու համար անհրաժեշտ է ականջալուր լինել ժողովրդին: Յեղափոխական արդիւնաւէտ քայլերով, կարճ ժամկէտում իրականացնել համակարգային բարեփոխումներ յանուն արդարութեան, օրէնքի գերակայութեան եւ պետական կարգի կայունութեան: Անհանդուրժելի են տատանուողականութեամբ իրականացուող անարդիւնաւէտ քայլերը, որոնք այլ բան չեն քան բարեփոխումների նմանակում:

Արդարութեան համար պայքարը պէտք է ծառայի երկրի անվտանգութեան ապահովմանը:

Այս վճռորոշ պահին մեր առջեւ ծառացած խնդիրները համախորհուրդ լուծելու եւ երկիրը անցնցում առաջ տանելու համար բոլորին կոչ ենք անում դրսեւորել խոհեմութիւն եւ հանդուրժողականութիւն:

ՀՅԴ ԱՐՑԱԽԻ ԿԵԴՐՈՆԱԿԱՆ ԿՈՄԻՏԷ