Փարիզ “Հայ ժողովուրդի վրէժը – Թէհլիրեանի դատը” վաւերագրական ժապաւէնի անդրանիկ ցուցադրութիւնը
Ապրիլ 15ին կրկին բազմամարդ էր Փարիզի Հայ Մշակոյթի Տան «Տէմիրեան» սրահը, ուր ՀՅԴ «Արմէն Գարօ» Կոմիտէի եւ քոյր միութեանց կազմակերպութեամբ տեղի ունեցաւ «Հայ ժողովուրդի վրէժը – Թէհլիրեանի դատը» վաւերագրական ժապաւէնի անդրանիկ ցուցադրութիւնը, նուիրուած Հայոց Ցեղասպանութեան 100ամեակին։ 52 վայրկեան տեւողութեամբ այս գործին բեմադիրն է Պերնար Ժորժ որ Ֆլորանս Շասէնի հետ նաեւ բեմագրած է զայն։
Ֆիլմը միասնաբար արտադրած են «ARTE France-ը, Cinétévé-ն եւ CNRS Image-ը։ Արդարեւ գաղութիս մէջ մեծ հետաքրքրութիւն ստեղծած է 100ամեակի ծրագիրներու ծիրէն ներս «Արմէն Գարօ» Կոմիտէի վերջին շրջանի աշխոյժ գործունէութիւնը։ Յիշատակութեան արժանի է, որ ձեռնարկներու շարքի այս հինգերորդ երեկոյթին ներկայ էին հարիւրէ աւելի հանդիսատեսներ։
Ինչպէս ծանօթ է, մէկ ու կէս միլիոն հայ նահատակներու վրէժը լուծելու համար Հայ Յեղափոխական Դաշնակցութիւնը ծրագրած էր «Նեմեսիս» գործողութիւնը, որու ընթացքին ընդհանուր առմամբ թուրք կամ ազէրի ութ պատասխանատուներ եւ երեք հայ դաւադիրներ ինկան եօթը հայ վրիժառուներու գնդակով։
Այս գործողութեան շրջանակին մէջ ամենէն յատկանշականը՝ թուրք Ներքին գործոց նախկին նախարար եւ կոտորածներու ու տեղահանումներու գլխաւոր կազմակերպիչ Թալէաթ փաշայի ահաբեկումն էր, որ 1921 Մարտ 15ին զգետնուեցաւ Պէրլինի մէջ երիտասար Սեդա Սէրէնկիւլեան ձեռնարկին բացումը կատարելով հանդիսատեսներուն ներկայացուց ժապաւէնի համահեղինակներ՝ Պերնար Ժորժը եւ Ֆլորանս Շասէնը։ Առաջինը յայտնեց, թէ զինք միշտ ալ հետաքրքրած են պատմական դէպքերը եւ երբ տարիներ առաջ պատահմամբ իմացած է Թէհլիրեանի դատավարութեան մասին, մտայղացած է զայն վաւերագրական ֆիլմի վերածելու գաղափարը։ Գլխաւորաբար օգտուած է 1919ին պատրաստուած «Ազգի մը նահատակութիւնը» (Ravished Armenia) անխօս ժապաւէնի պատկերներէն – նկատի ունենալով որ Թէհլիրեանի դատավարութենէն Աւարտին արուեստագէտ հեղինակները պատասխանեցին ներկաներուն կողմէ ուղղուած քանի մը հարցումներու։
Այս ժապաւէնը դիտելով ակամայ յիշեցի Թեհրանի «Արարատ» կազմակերպութեան թատերասրահը, ուր տարիներ առաջ ամիս մը շարունակ բեմադրուեցաւ Պերճ Զէյթունցեանի «Ոտքի՛, դատարանն է գալիս» թատերգութիւնը։ Ամէն իրիկուն թատրոնի վերջաւորութեան ոգեւորուած երիտասարդութիւնը մինչեւ ուշ գիշեր կեդրոնը կը թնդացնէր յեղափոխական երգերով…։ Արդարեւ սերունդները երբեք պիտի չմոռնան Սողոմոն Թէհլիրեանը, Արշաւիր Շիրակեանը, Արամ Երկանեանը եւ անոնց ընկերները, որոնք գործադրեցին թուրք ջարդարարներուն ահաբեկում Փառք անոնց յիշատակին։
«Նոր Յառաջ»