"Օրորա" Մրցանակի առաջին դափնեկիր Մարկըրիթ Պարանկիցէ Արցախ կը գտնուի
«Ազատ Արցախը ողջունեց «Օրորա»ի 2016ի դափնեկիրը՝ Պուրունտիի քաղաքացիական պատերազմի ընթացքին շուրջ 30.000 երեխայի կեանք փրկած Մարկըրիթ Պարանկիցէն, որ հանդիպումներ պիտի ունենայ Արցախի տարբեր համայնքներու ներկայացուցիչներուն հետ:
Ան հանրութեան պիտի պատմէ իր անցած ուղիին, երախտագիտութեան կարեւորութեան ու սիրոյ յաղթանակի մասին՝ մարդասիրութեան ալիքը տարածելով ամբողջ Արցախի մէջ: #AuroraPrize #GratitudeInAction», «Օրորա» մարդասիրական նախաձեռնութեան տարածած հաղորդագրութեան մէջ կ՛ըսուի, որ Մայիս 20ին, Մարկըրիթ Պարանկիցէ այցելած է Ծիծեռնակաբերդ, գտնուած է Հայոց Ցեղասպանութեան թանգարան-հիմնարկ, ուր բացուած է Աւրորա Մարտիկանեանին նուիրուած յատուկ ցուցասրահ:
Տիկին Պարանկիցէ գրած է պատուոյ հիւրերու յուշամատեանին մէջ եւ ծաղիկներ խոնարհած անմար կրակին մօտ: Ան Ծիծեռնակաբերդի յուշահամալիրի պուրակին մէջ ծառ տնկած է՝ ի յիշատակ Եղեռնի նահատակներուն: