Հռչակագիր` Արցախի Բարեկամներու «Համագործակցութիւն յանուն արդարութեան եւ խաղաղութեան» համաժողովի

11 հոկտեմբե­րին Ստե­փա­նա­կերտի մէջ կա­յա­ցած «Հա­մա­գործակցութիւն յա­նուն արդա­րութեան եւ խա­ղա­ղութեան» խո­րա­գի­րով Արցա­խի բա­րե­կամնե­րու հա­մա­ժո­ղո­վի մասնա­կիցնե­րը որդեգրե­ցին ամփո­փիչ հե­տեւեալ հռչա­կա­գի­րը:
– Ա­ռաջնորդուե­լով Մարդու ի­րաւունքնե­րի հա­մընդհա­նուր հռչա­կագրում եւ մարդու ի­րաւունքնե­րի այլ հիմնա­րար փաստաթղթե­րում ամրագրուած ա­զա­տութեան, ժո­ղովրդա­վա­րութեան եւ հաւա­սա­րութեան սկզբունքնե­րով եւ գա­ղա­փարնե­րով,
– ճա­նա­չե­լով ժո­ղո­վուրդնե­րի ինքնո­րոշման ի­րաւունքը` որպէս մարդկութեան կա­րեւոր ձեռքբե­րումնե­րից մէ­կը ժո­ղո­վուրդնե­րի ի­րաւա­հաւա­սա­րութեան ա­պա­հովման ճա­նա­պարհին, եւ հա­մո­զուած լի­նե­լով, որ դրա արդիւնաւէտ կի­րա­ռումն ա­ռաջնա­հերթ նշա­նա­կութիւն ունի պե­տութիւննե­րի մի­ջեւ ինքնիշխան հաւա­սա­րութեան սկզբունքի յարգման վրայ հիմնուած բա­րե­կա­մա­կան յա­րա­բե­րութիւննե­րի զարգա­ցումը խթա­նե­լու հա­մար,
– հաստա­տե­լով պե­տութիւննե­րի յանձնա­ռութիւնը` զերծ մնա­լու ցանկա­ցած բռնի գործո­ղութիւննե­րից, ո­րոնք ժո­ղո­վուրդնե­րին զրկում են ինքնո­րոշման, ա­զա­տութեան եւ անկա­խութեան ի­րաւունքից,
– նշե­լով, որ ազրպէյճա­նա-ղա­րա­բա­ղեան հա­կա­մարտութեան կա­յուն կարգաւո­րումը հնա­րաւոր է բա­ցա­ռա­պէս խա­ղաղ մի­ջոցնե­րով` հիմնուած Արցա­խի ժո­ղովրդի կողմից ի­րա­ցուած ինքնո­րոշման ի­րաւունքի արդիւնքնե­րի ճա­նաչման վրայ,
– վե­րա­հաստա­տե­լով բա­նակցա­յին գործընթա­ցի բո­լոր փուլե­րին Արցա­խի Հանրա­պե­տութեան լիարժէք մասնակցութեան վե­րա­կանգնման մի­ջո­ցով ԵԱՀԿ Մինսքի խմբի հա­մա­նա­խա­գահնե­րի միջնորդա­կան ջանքե­րի արդիւնաւէ­տութեան բարձրացման կա­րեւո­րութիւնը,
– հա­շուի առնե­լով, որ անկա­խութեան հա­մար պայքա­րում Արցա­խի ժո­ղո­վուրդն ա­ռաջնորդուել է մի­ջազգա­յին ի­րաւունքի հանրա­ճա­նաչ չա­փանշե­րով, ժո­ղովրդա­վա­րա­կան արժէքնե­րով եւ հա­մա­մարդկա­յին կա­տա­րե­լա­տի­պե­րով, ո­րոնք շա­րունա­կում են մնալ Արցա­խի Հանրա­պե­տութեան պե­տա­կա­նա­շի­նութեան գործընթա­ցի հիմքը,
– բարձր գնա­հա­տե­լով Արցա­խի Հանրա­պե­տութեան ժո­ղովրդի եւ իշխա­նութիւննե­րի հե­տեւո­ղա­կան քայլե­րը` ուղղուած ա­զատ եւ ժո­ղովրդա­վա­րա­կան հա­սա­րա­կութեան ամրապնդմանն ու զարգացմա­նը` հիմնուած օ­րէնքի գե­րա­կա­յութեան, մարդու ի­րաւունքնե­րի եւ հիմնա­րար ա­զա­տութիւննե­րի նկատմամբ յարգանքի վրայ,
– անթոյլատրե­լի հա­մա­րե­լով մի­ջազգա­յին գործընթացնե­րից Արցա­խի մե­կուսացման ցանկա­ցած ձեւ եւ նրա ժո­ղովրդին մի­ջազգա­յին հա­մա­գործակցութեան ա­ռաւե­լութիւննե­րից զրկե­լը,
– վե­րա­հաստա­տե­լով մարդու ի­րաւունքնե­րի հա­մընդհանրութիւնն ու անքակտե­լիութիւնը` անկախ այն երկրի քա­ղա­քա­կան, ի­րաւա­կան կամ մի­ջազգա­յին կարգա­վի­ճա­կից, որտեղ ապրում է անհա­տը,
– ճա­նա­չե­լով թէ՛ երկկողմ եւ թէ՛ բազմա­կողմ հի­մունքնե­րով մի­ջազգա­յին հա­մա­գործակցութեան ա­ռանցքա­յին նշա­նա­կութիւնը` ժո­ղո­վուրդնե­րի մի­ջեւ խա­ղաղ յա­րա­բե­րութիւննե­րի եւ բա­րե­կա­մութեան զարգացման, փո­խա­դարձ մշա­կութա­յին հարստացման, ինչպէս նաեւ տնտե­սա­կան բարգաւաճման խթանման հարցում,
– կա­րեւո­րե­լով կրթա­կան, մարմնակրթա­կան, մշա­կութա­յին եւ տնտե­սա­կան ո­լորտնե­րում Արցա­խի հետ գործնա­կան հա­մա­գործակցութեան եւ փորձի փո­խա­նակման հա­մար հաստա­տութե­նա­կան հիմքի ստեղծումն եւ ամրապնդումը` մեր ա­ջակցութիւնն ենք յայտնում Արցա­խի ժո­ղովրդին` ա­զա­տութեան եւ ժո­ղովրդա­վա­րութեան ճա­նա­պարհին, ինչպէս նաեւ հանրա­պե­տութեան անկա­խութեան մի­ջազգա­յին ճա­նաչմանն ուղղուած նրա ջանքե­րին:
Պատրաստա­կամ ենք այսուհետ եւս զարգացնե­լու եւ խո­րացնե­լու երկխօ­սութիւնն Արցա­խի Հանրա­պե­տութեան հետ` հա­սա­րա­կա­կան եւ քա­ղա­քա­կան լայն շրջա­նակնե­րի ներգրաւմամբ:
Կոչ ենք ա­նում մի­ջազգա­յին հանրութեա­նը ձեռնարկել անհրա­ժեշտ բո­լոր քայլե­րը` ժո­ղովրդա­վա­րութեան ա­ռաջմղմա­նը, ինչպէս նաեւ տա­րա­ծաշրջա­նում խա­ղա­ղութեան եւ կա­յունութեան ամրապնդմանն ուղղուած մի­ջազգա­յին հա­մա­գործակցութեան մէջ Արցա­խի լիարժէք մասնակցութեան խո­չընդոտնե­րը վե­րացնե­լու ուղղութեամբ:
Յայտա­րա­րում ենք Արցա­խի բա­րե­կամնե­րի մի­ջազգա­յին ցանց`«Փրոյ Արցախ», ստեղծե­լու մա­սին` մի­ջազգա­յին հարթա­կում Արցա­խի մա­սին տե­ղե­կա­ցուա­ծութիւնը բարձրացնե­լու, նրա ժո­ղովրդի օ­րի­նա­կան շա­հե­րը պաշտպա­նե­լու, մի­ջազգա­յին գործընթացնե­րում Արցա­խի ներգրաւմանն ա­ջակցե­լու նպա­տա­կով:

ՍՏԵ­ՓԱ­ՆԱ­ԿԵՐՏ
ԱՐՑԱ­ԽԻ ՀԱՆՐԱ­ՊԵ­ՏՈՒԹԻՒՆ