Գիւմրիի մէջ պիտի հիմնուի ազատ տնտեսական գօտի
Կառավարութիւնը համաձայնութիւն տուաւ Շիրակի մարզի Գիւմրի քաղաքին մէջ արտադրական ազատ տնտեսական գօտի ստեղծելու նախագիծին:
Այս նախաձեռնութիւնը նպատակ ունի սպասարկել ելեկտրոնային առեւտուրի պահեստներուն եւ արտածուելիք արտադրական հոլովոյթներուն: Ազատ տնտեսական գօտիի ստեղծումը նպատակ ունի խթանել օտարերկրեայ ուղղակի ներդրումները, երկրի ներդրումային գրաւչութիւնը աւելցնել, նոր աշխատատեղեր ստեղծել եւ կայուն տնտեսութիւն զարգացնել:
Հայաստանի տնտեսութեան նախարար Տիգրան Խաչատրեան ըսաւ, թէ ազատ տնտեսական գօտիի ստեղծումը նպատակ ունի ներգրաւել օտարերկրեայ ուղղակի ներդրումներ, ստեղծել աշխատատեղեր եւ խթանել կայուն զարգացումը: Ըստ անոր, ազատ տնտեսական գօտին պիտի տեղակայուի Շիրակ միջազգային օդակայանին կից:
Նախատեսուած է 10-12 տարիներու ընթացքին կառուցել 319 հեկտար տարածքով ազատ տնտեսական գօտի, որուն ամբողջական գործարկումը պիտի իրականացուի 5 փուլով: Առաջին փուլը կը գործարկուի 30 հեկտար տարածքի վրայ: Ազատ տնտեսական գօտիի ամբողջական գործարկմամբ աշխատանք կ՛ապահովուի շուրջ 13 հազար հոգիի: